Poetry

Hello all!! I thought I would just write some of my poems here. Hope you enjoy.

This one came to me while driving.....its strange,, poems come to me while driving

Dard ki aukat kya jo tod kar rakhde mujhe
gode me faulad ki,
jalna seekha hai maine..

Ishq ki aukat kya jo zakhm koi de mujhe
kaanto bhari har raah par,
chalna seekha hai maine...

Another one

kyu teri aankhein
mil nahi pati meri ankho se ab..
kyu teri ankhein dekh nahi pati
us dard ko jo
behta h meri ankhon se
aur dubo deta h is jahan ko..
kyu teri ankhein nahi de pati ab wo nazar
jis nazar ne chheena tha mujhe khud se..
kyu teri ankho me nahi ati ab
dosti ki wo khushboo
jo mehkati thi mere galiyaro ko..
kyu teri ankhein palat jati h
dekhkar ab mujhe
aur deti nahi wo muskurahat..
kyu teri ankhein gehri si h ajkal
chhupati ho kuchh raaz jyon mujhse..
kyu teri ankhein jhuk si jati h mere ate hi
kya itna bura h mera ehsaas??
kyu teri ankhein dhundhti h
kisi aur ko mere siwa,
aur ehsaas karati h mujhe
ki tu kisi aur ka naseeb h..
kyu teri ankhein kehti h mujhse bas
door chale jane ko..
aur phir bhi kyu meri ankhein
dekhti h bas tujhe hi
teri bewafai nazro ka dhokha ho jaise..
kyu meri ankhe manti h tujhe ab bhi apna..
aur kyu meri ankhein
chahti h maut me zindgi dhundhna..
akhir kyu?
akhir kyu??

This one is quite good

Chand kyu rootha hai mujhse,
aisee bhi kya baat hui.
jazbat umadkar yun nikle,
ki bin badal barsat hui.

akash ye itna gehra hai,
ki waqt se pehle raat hui.
chand kyu rootha hai mujhse,
aisi bhi kya baat hui...

This site is undergoing a redesign, and some things may not work properly.